Covid-19 nuk i ndahet Partizanit, sulmuesi Brown del pozitiv

COVID-19 nuk i ndahet Partizanit. Para derbit të kryeqytetit ndaj Tiranës që do të luhet të premten në “Air Albania”, sulmuesi xhamajkan Brian Brown i sapo rikthyer nga një dëmtim ka rezultuar pozitiv me COVID-19.

Për herë të fundit 27-vjeçari është aktivizuar në ndeshjen e raundit të 1/8-ve të Kupës së Shqipërisë ndaj Apolonisë ku shënoi edhe golin e vetëm të fitores dhe të kualifikimit për Partizanin.

Prej disa ditësh Brown është në karantinë teksa deri tani nuk ka shfaqur shenja të virusit, ndërsa ka shmangur kontaktet me lojtarët e tjerë. Trajneri Ilir Daja e ka aktivizuar vetëm në 2 ndeshjet e Kupës sulmuesin xhamajkan duke mos i dhënë minuta në kampionat, dhe mungesa e tij nuk do të ndihet shumë në derbin ndaj Tiranës.