Cristiano Ronaldo poston foto “intime” me djalin e tij

Cristiano Ronaldo ka ndarë me ndjekësit e tij në Instagram një foto ku shfaqet bashkë me djalin e tij 5-vjeçar. Futbollisti portugez u ka uruar “natën e mirë” fansave, ndërsa është shtrirë për të fjetur me të birin, i cili përveç emrit, ka një ngjashmëri shumë të madhe me Ronaldon. Kjo nuk është hera e parë, që portugezi i dhuron fansave foto nga e përdirshmëria e  tij me djalin, i cili që tani ka filluar të ndjejë popullaritetin e të atit. Në nëntor të këtij viti në një dokumentar për jetën e tij, ylli i Real Madrid u shpreh se ai ka vendosur të marrë kujdestarinë e plotë të Cristiano Junior dhe ka vendosur që të ruajë anonimitetin e mamasë së djalit. Lidhur me dëshirën e të birit për t’u bërë në një të ardhme portier, Ronaldo tha se ai ndërron mendjen shumë shpesh e  nuk do t’i ndërhyj në zgjedhjet e tij. Në 2010, sportisti njoftoi se ai ishte bërë baba dhe do të kishte kujdestarinë e plotë të djalit, në bazë të marrëveshjes që kishte bërë me gruan që solli në jetë Cristano Juniorin.