Crystal Palace befason të gjithë, fiton Superkupën e Anglisë ndaj Liverpoolit

Crystal Palace, fituesi në fuqi i FA Cup, ka mposhtur Liverpool-in kampion të Anglisë me rezultatin 5-4 pas penalltive, duke fituar kështu Community Shield 2025 dhe duke nisur sezonin e ri me një trofe.

Ndeshja, e zhvilluar mes fituesve të FA Cup dhe kampionëve të Premier League, përfundoi 2-2 në kohën e rregullt. Hugo Ekitike dhe Jeremie Frimpong shënuan për Liverpool-in, ndërsa Jean-Philippe Mateta nga penalltia dhe Ismaila Sarr barazuan për Crystal Palace.

Në serinë e penalltive, vendimtar ishte goli i Devenny, pasi për Liverpool gabuan Mohamed Salah, Alexis Mac Allister dhe Harvey Elliott. Ky është trofeu i dytë në historinë e Crystal Palace, që pas suksesit në FA Cup shton një tjetër kupë në vitrinë.