Del Piero elozhe për Chiesa-n: Bravo, ke kurajën të flasësh si veteran!

Ish-legjenda e Juventusit, Allesandro Del Piero, i cili është në rolin e analistit në “Sky Sport” ka përgëzuar Federico Chiesa-n në intervistën pas ndeshjes për dy golat, por dhe për reagimin pas eliminimit.

“Të bëj komplimente, jo vetëm për dy golat. Por sepse ke ardhur sonte para mikrofonave, edhe pse je i ri flet si veteran. Sepse ke uri për t’u përmirësua, dhe kjo gjë duhet vlerësuar në rritjen e një futbollisti.

Ti me kalimin e kohës nga një i ri, je shndërruar në një djalosh që përfaqëson rritjen. Përfaqëson Italinë dhe mos hiq dorë kurrë nga dëshira për t’u përmirësuar”, deklaroi Del Piero. Në fakt ish-lojtari i Fiorentinës ishte më i miri në fushë për bardhezinjtë duke shënuar dy gola dhe duke qenë protagonist në disa raste të tjera. /R.Lika-Koha Jone/