Dëmtimi i rëndë i Gavit, FIFA dhe federata spanjolle kompensojnë Barcelonën

Gavi pritet të mungojë për të paktën shtatë muaj pas dëmtimit të rëndë që pësoi në gju gjatë ndeshjes së Spanjës kundër Gjeorgjisë.

Sipas mediave vendase, federata spanjolle pritet ti japë Barcelonës një shumë prej 7,5 milionë eurosh, duke dashur ta dëmshpërblejë në këtë mënyrë klubin katalanas.

Një shumë e cila pritet t’i shtohet tre milionëve që FIFA do t’i japë Barcelonës. Sipas rregullores së FIFA-s, konfederata botërore është e detyruar të paguajë skuadrat kur një futbollist dëmtohet rëndë në masën që duhet të jetë jashtë fushës për më shumë se 28 ditë.

Sipas rregullores përkatëse, çdo klub kompesohet me 20 mijë e 548 euro, në ditë humbje të një lojtari ndërkombëtar që është dëmtuar me kombëtaren e tij.