FIFA ka marrë masa të ashpra ndaj mesfushorit të Katarit, Assim Madibo, pas ndërhyrjes që shkaktoi dëmtimin e rëndë të futbollistit kanadez Ismael Koné gjatë ndeshjes mes Katarit dhe Kanadasë në Kupën e Botës.
Organizmi më i lartë i futbollit botëror ka vendosur ta pezullojë Madibon për pesë ndeshje, pas faullit që solli një nga incidentet më të rënda të turneut. Si pasojë e ndërhyrjes, Koné pësoi frakturë të tibias dhe peronës, duke i dhënë fund para kohe aventurës së tij në Botëror.
Madibo kishte munguar edhe në ndeshjen e fundit të grupit ndaj Bosnjë-Hercegovinës, pasi ishte ndëshkuar me karton të kuq në sfidën kundër Kanadasë. Katari u eliminua nga turneu pas humbjes në atë përballje, duke i dhënë fund rrugëtimit të tij në fazën e grupeve.
Ndërkohë, Ismael Koné vazhdon procesin e rikuperimit. Mesfushori kanadez ishte i pranishëm në stadium për ndeshjen mes Kanadasë dhe Zvicrës, duke mbështetur nga afër bashkëlojtarët e tij.
I ulur në një karrocë invalidësh pranë fushës, Koné mori duartrokitjet e tifozëve, ndërsa tregoi edhe një herë lidhjen e fortë me skuadrën kombëtare, pavarësisht dëmtimit të rëndë që e detyroi të largohej nga gara.
While Team Canada hits the field for warmups, Ismael Kone could be seen in a wheelchair saluting the fans.
LIVE UPDATES: https://t.co/UQuonJE3I6 pic.twitter.com/UgjOuhzZ6V
— CTV News (@CTVNews) June 24, 2026