Depay del hapur: Dua të luaj sërish për Ronald Koeman!

Memphis Depay është gjithnjë e më pranë Barcelonës. Sulmuesi 27-vjeçar holandez ka deklaruar me zë të lartë se dëshiron të punojë sërish me Ronald Koemanin.

“Të gjithë e dinë që kam qenë i lidhur me Barçën për një kohë dhe që dua të luaj për Ronald Koemanin. Të gjithë e dinë që ka bisedime dhe mendoj se së shpejti do të kemi lajme në këtë drejtim. Duhet të presim, por do të thosha që së shpejti do të mësojmë diçka përfundimtare”, deklaroi fillimisht sulmuesi, kontrata e të cilit me Lyon-in skadon më 30 qershor.

Klubi katalanas shumë shpejt pritet të zyrtarizojë afrimin e sulmuesit me parametra zero.