Mbappe sfidon Interin: Unë, Bellingham dhe Vinicius të bashkuar për të fituar për Realin!

“Klima është si vjet, por kemi një trajner të ri”. Kylian Mbappé ka folur në prag të përballjes mes Real Madridit dhe Interit në Champions League, duke vënë në dukje atmosferën brenda skuadrës pas ndryshimit në stol.

“Klima është e njëjtë si vitin e kaluar. I vetmi ndryshim është se kemi një trajner të ri”, u shpreh sulmuesi francez, duke folur për ndikimin e José Mourinhos, një prej figurave kryesore të kësaj sfide.

Për Mbappen, trajneri portugez është një specialist i fitoreve dhe di të krijojë unitet brenda grupit.

“Është dikush që di të fitojë dhe di ta çojë një grup në të njëjtin drejtim”, deklaroi ylli i Real Madridit.

Mbappé e konsideron një avantazh të rëndësishëm faktin që Real Madridi e nis aventurën europiane në shtëpi.

“Jemi shumë të lumtur që po luajmë sërish në Champions League. Të fillosh në Bernabéu është një motivim më shumë”, tha francezi.

I pyetur edhe për raportin me Jude Bellingham dhe Vinícius Junior, Mbappe theksoi se të tre kanë të njëjtin objektiv: suksesin e klubit.

“Unë, Bellingham dhe Vinícius? Kemi të njëjtin objektiv: të ndihmojmë Real Madridin të fitojë ndeshje dhe trofe”, u shpreh ai.

Në fund, sulmuesi francez foli edhe për ambicien personale për të fituar Topin e Artë. Pas një sezoni ku vazhdon të jetë ndër emrat më të rëndësishëm të futbollit botëror, Mbappe nuk e fsheh dëshirën për të triumfuar në garën individuale.

“Mendoj se ky mund të jetë një vit i mirë për ta fituar”, deklaroi Mbappe, duke konfirmuar se “Topi i Artë” mbetet një prej objektivave të tij kryesorë.