Dest zbulon pse zgjodhi Barcelonën para Bayernit në merkato

Blerja e fundit e Barcelona-s, mbrojtësi Sergino Dest, ka folur për BeIN Sports në lidhje me dëshirën për të nisur aventurën e re dhe për t’u përballur me kampionët e mëdhenj në skenën e Champions League.

“Do të jetë një moment special të luaj në krah të Messi-t kundër Cristiano Ronaldo-s. Të premten në mëngjes, pas ndeshjes me Celta-n, kam patur mundësinë të takoj Messi-n dhe të gjithë shokët e skuadrës dhe ka qenë një moment special, shumë i bukur.

Për mua Barcelona është një ëndërr që është realizuar: kur menaxheri im më ka shpjeguar gjithçka, kam pranuar menjëherë. Bayern? Më pëlqejnë sfidat, për këtë arsye kam zgjedhur Barcelonën”, deklaroi Dest.