Dinamo bie pa nisur gara, surprizon Grupi i Jugut

Sporti E Diel, 18 Prill 2021 23:00

Sot ka startuar edhe Kategoria e Parë, e cila si problem pati fushat, ku dy ndeshje u zhvilluan në kompleksin Pezë-Helmës, një në “Reshit Rusi” në Shkodër dhe tjetra pritet po ashtu të luhet nesër në fushë asnjanëse, pikërisht kryendeshja e Grupit B, mes Elbasanit dhe Lushnjës.

Grupi A

Kastrioti është pretendenti numër një për t’u ngjitur në Kategorinë Superiore, nga Grupi i veriut, por pëson gol nga shijakasit, që erdhën nga Kategoria e Dytë. Në pjesën e dytë, për 4 minuta, dyshja shkodrane Raboshta-Kepi, përmbysin gjithçka. Tri pikët e para edhe për Besëlidhjen kundër Korabit, falë golit të Dibrës në pjesën e parë. Lezhjanët kanë vuajtur jo pak nga dibranët në pjesën e dytë. Mamurrasi humb me Besën. Sfida me më shumë gola ishte ajo e luajtur në Shkodër mes Adës dhe Ilirisë, që përfundoi në barazim 2-2. Kamza mundi pastër Burrelin dhe e nisi mirë sezonin.

Grupi B

Të katër rezultatet e këtij grupi mund të quhen surpriza. Pogradeci fiton ndaj Apolonisë në minutat e fundit, teksa nga 2-1 për fierakët, rezultati përmbyset në 2-3 për liqenorët. Por surpriza më e madhe ishte fitorja e Turbinës së Cërrikut në Sarandë, përballë Butrintit. Turbina, që zuri vendin e Gramshit, kishte vetëm pak kohë që kishte ndërtuar ekip në Kategorinë e Parë, por ishte pikërisht ish-lojtari i Gramshit, Ledio Koçi, ai që i dha tri pikët e parë skuadrës cërrikase. Luftëtari befason Dinamon që në start, pas fitores 2-0 në Pezë-Helmës, ku Canka konfirmohet goleador i kësaj kategorie. Ndeshja Sopoti-Shkumbini përfundon në barazim pa gola.

Kategoria e Parë

Java I – Sot

Grupi A

Kastrioti-Erzeni 2-1

Shënues: Raboshta 61′, Kepi 65′ / Rezi 38′

Mamurrasi-Besa 0-1

Shënues: Bajaziti 18’

Kamza-Burreli 2-0

Shënues: Deliallisi 30′, Mehmeti 85′

Besëlidhja-Korabi 1-0

Shënues: Dibra 37′

Ada-Iliria 2-2