Dinamo është pothuajse jashtë Superligës

Për sezonin e ardhshëm, Dinamo është pothuajse jashtë Superligës. Në ndeshjen me Kastriotin, është mposhtur 0-1, me golin e realizuar nga Selmani në pjesën e dytë.

Kjo ishte humbja e katërt radhazi për Dinamon, që tani e sheh veten 9 pikë nga vendi i fundit që shpëton nga rënia, në një kohë kur kanë mbetur edhe 8 javë kampionat.

Nga ana tjetër fitorja për Kastriotin do të thotë shumë pasi ka lënë zonën ”play-off” dhe është ngjitur në vendin e 6 për momentin. Për krutanët kjo ishte fitorja e 4 radhazi në kampionat në po kaq ndeshje.