Dinamo gjen fitoren, Partizani bie në fund

Dinamo ka arritur një fitore të jashtëzakonshme në ndeshjen e radhës në Kategorinë Superiore, duke mundur Elbasanin vendas me rezultatin e thellë 5-0.

Një ndeshje e dominuar nga “nëndetësja” në çdo aspekt dhe që rikthen ekipin e ngjitur në elitë nga Kategoria e Parë me këmbë në tokë, pas 12 javësh kampionat.

Heronjtë e këtij takimi ishin Zabërgja dhe Bregu që gjetën nga dy herë rrugën e rrjetës, teksa goli tjetër për djemtë e Dajës u shënua nga Meksi.  Me këtë fitore, Dinamo përmirëson pozitat në vendin e tretë në klasifikim, 1 pikë më pak nga Vllaznia dhe Partizani kryesues.

Në ndeshjen tjetër që mbyll këtë javë të Kategorisë Superiore, Partizani ka humbur 3 pikë të arta në minutat e fundit të takimit. Ndonëse udhëhoqi për pothuajse 80 minuta, Lloci u tregua i saktë nga pika e bardhë për të marrë një pikë për Teutën në ndeshjen që u mbyll 1-1.