Dinamo rrëzohet në Lushnjë, Tërbuni paqe me Besëlidhjen

Sporti E Diel, 18 Prill 2021 22:44

Kategoria e Parë zhvilloi sot ndeshjet e javës së 13-të, ose takimet e para të fazës së dytë, që dhuruan surpriza, në të dy grupe, ku veçohet humbja e Dinamos në Lushnjë, përballë një rivali direkt në garë për t’u ngjitur në Kategorinë Superiore. Kjo ndeshje është mbyllur me fitoren minimale të Lushnjës me rezultat 1-0. Vendasit fituan në “Roza Haxhiu” falë golit të Fatjon Topit, në 27’, dhe pas golit rezultati i ndeshjes nuk ndryshoi deri në fund. Lushnja është ngjitur me këtë fitore në kuotën e 24 pikëve, duke e udhëhequr e vetme Grupin B, madje duke përfituar edhe nga humbja e Sopotit në Berat, për t’u shkëputur nga dy rivalët e saj kryesorë. Dinamo mbetet në kuotën e 20 pikëve. Pogradeci fitoi 1-0 me Butrintin dhe Tomori 2-1 ndaj Sopotit, duke iu afruar kreut të klasifikimit dhe duke e bërë rivalitetin për një vend në Kategorinë Superiore, shumë edhe më të ashpër. Fitore me shumë rëndësi u shënuan edhe nga ana e Pogradecit dhe Bylisit. Edhe Bylis i Ballshit është rreshtuar si një ekip pretendent me fitoren e sotme. Në Grupin A, ndeshja kryesore mes dy ekipeve pretendente që të ngjiten në Kategorinë Superiore, Besëlidhjes dhe Tërbunit, është mbyllur në barazim pa gola. Në ndeshjet e tjera të Grupit A, Kamza ka mposhtur me rezultatin 1-0 Besën me gol të Ahmetajt. Ada – Mamurrasi do të zhvillohet ditën e diel në orën 14:00 dhe për miqtë fitorja do të thotë shumë, pasi mund të afrohen vetëm një pikë larg kryesuesve të Tërbunit.

Grupi A