Ditë e zezë për futbollin italian, të 4 skuadrat pësojnë humbje në Champions League

Futbolli italian ka përjetuar një mbrëmje për t’u harruar në Champions League. Humbja dramatike e Romës ndaj Real Madridit ishte vetëm një pjesë e zhgënjimit, pasi të katër skuadrat italiane të angazhuara në këtë raund të kompeticionit u larguan me humbje.

Një situatë e tillë nuk ishte regjistruar më parë në historinë e Ligës së Kampionëve, duke e kthyer këtë ditë në një nga më të vështirat për futbollin italian në arenën evropiane.

Ajo që e bën edhe më të dhimbshme këtë bilanc është fakti se tri prej skuadrave italiane, Napoli, Como dhe Roma, pësuan humbje pasi kishin kaluar fillimisht në avantazh. Në rastin e Romës, disfata erdhi në mënyrë dramatike, pasi Real Madridi përmbysi rezultatin në minutat e fundit të takimit.

Në total, katër skuadrat italiane pësuan plot 14 gola, ndërsa arritën të shënonin vetëm nëntë. Një statistikë që pasqyron vështirësitë e mëdha të tyre në këtë raund të Champions League.