Doni të shikoni Botërorin në stadium? Ambasada Amerikane në Shqipëri del me një njoftim të rëndësishëm!

Ambasada e Shteteve të Bashkuara në Tiranë ka shpërndarë një njoftim të rëndësishëm për të gjithë qytetarët shqiptarë që planifikojnë të ndjekin nga afër Kampionatin Botëror të Futbollit FIFA 2026, i cili do të mbahet në 11 qytete të ndryshme në SHBA.

Në postimin e saj zyrtar, ambasada thekson se Botërori 2026 do të jetë turneu më i madh në histori dhe për këtë arsye fton të gjithë të interesuarit që kanë nevojë për vizë amerikane, të aplikojnë sa më parë.

“MOS PRISNI! Ne nxisim të gjithë udhëtarët e huaj që kanë nevojë për vizë amerikane të aplikojnë TANI!”, thuhet në thirrjen e ambasadës.

Për të marrë informacion të detajuar rreth procedurave dhe dokumentacionit të nevojshëm, Ambasada i referon qytetarët në faqen zyrtare të Departamentit Amerikan të Shtetit:

👉 travel.state.gov (seksioni “U.S. Visas”).

Turneu do të mbahet në verën e vitit 2026 dhe pritet të thyejë rekorde jo vetëm për numrin e ndeshjeve dhe skuadrave pjesëmarrëse, por edhe për interesimin global.

Ambasada bën thirrje që tifozët shqiptarë të mos e lënë për minutën e fundit aplikimin për vizë, për të shmangur vonesa apo probleme gjatë periudhës së ngarkuar të vizitave.