Erling Haaland nuk ka ndërmend të ndalet së shënuari me Dortmundin. “Golden Boy” realizoi katër herë në fitoren me përmbysje 2-5 të verdhezinjve në fushën e Herthas së Berlinit.
Dortmundi shkoi në pushimin mes pjesë në disavantazh 1-0, pasi në minutën e 35-të për vendasit shënoi Cunha. Sapo nisi fraksionin i dytë, doli në skenë bomberi norvegjez që realizoi dy gola të shpejtë në minutat 47’ dhe 49-tën, ndërsa të tretin në të 62-tën.
Guerreiro i dha goditjen e radhës Herthas në minutën e 70-të, ndërsa Cunha shënoi të dytin personal, këtë radhë me 11-metërsh, për rezultatin 4-2. Haaland ende nuk kishte mbaruar punë, teksa në të 79-tën shënoi golin e fundit të takimit, atë të rezultatit 2-5.
