Duka kujton 10-vjetorin e anëtarësimit të Kosovës në FIFA dhe UEFA: Kontributi i Fadil Vokrrit mbetet i paharruar

Presidenti i Federata Shqiptare e Futbollit, Armand Duka, ka reaguar në rrjetet sociale me rastin e 10-vjetorit të anëtarësimit të Federatës së Futbollit ë Kosovës në FIFA dhe UEFA.

Në mesazhin e tij, Duka e cilësoi këtë datë si një nga momentet më historike për futbollin kosovar, duke theksuar rëndësinë që pati pranimi i Kosovës në arenën ndërkombëtare të futbollit.

Postimi i plotë

“Sot shënohen 10 vite nga një nga momentet më historike për futbollin në Kosovë, ku anëtarësimi i FFK-së në FIFA dhe UEFA vulosi Kosovën në arenën ndërkombëtare.

Me respekt kujtoj legjendën Fadil Vokrri, që udhëhoqi me pasion këtë mision historik për futbollin e Kosovës. Kontributi i tij mbetet i paharruar.

Urime mikut tim, Presidentit Agim Ademi, Federatës së Futbollit të Kosovës dhe gjithë komunitetit sportiv në këtë përvjetor të veçantë”.