Dumfries prezantohet te Real Madridi, firmos deri në vitin 2030

Denzel Dumfries është prezantuar zyrtarisht si lojtari më i ri i Real Madridit. Mbrojtësi holandez u prezantua këtë të premte në qendrën stërvitore të klubit, pas transferimit nga Interi gjatë merkatos së verës.

Ceremonia nisi me takimin e Dumfries me presidentin e Real Madridit, Florentino Pérez, në sallën e drejtuesve. Më pas, futbollisti firmosi kontratën e tij të re, e cila do ta mbajë të lidhur me klubin madrilen për katër sezone, deri më 30 qershor 2030.

Pas nënshkrimit, Dumfries mori një kopje përkujtimore të stadiumit “Santiago Bernabéu”, një orë dhe fanellën e Real Madridit me emrin e tij dhe numrin 24.

Në ceremoninë e mirëseardhjes ishte i pranishëm edhe presidenti nderi i klubit, José Martínez “Perry”, i cili mori pjesë në prezantimin e mbrojtësit holandez.

Dumfries bëhet kështu një tjetër përforcim i rëndësishëm i Real Madridit gjatë kësaj vere, në kuadër të rindërtimit të skuadrës.

Klubi madrilen ka zyrtarizuar së fundmi edhe afrimet e José Mourinhos, Bernardo Silvas dhe Ibrahima Konatés, ndërsa ende pritet prezantimi zyrtar i Carlos Espi, Jan Duymandy dhe Marc Cucurella.