Dy “perla” për një pikë, Kukësi ndalet ndaj Laçit (VIDEO)

Kukësi bën ndalesën e parë në këtë sezon në Kategorinë Superiore. Skuadra verilindore nuk ka mundur që të shkojë më shumë se një barazim 1-1 ndaj Laçit, në ndeshjen e luajtur në Shkodër.

Pjesa e parë dhuron pak emocione me të dyja skuadrat që krijojnë pak shanse shënimi. Në minutën e 51-të, Nëabueze kontrollon mjaft mirë topin shmang Obanor dhe me një goditje të bukur nga distanca arrin që të mposhtë portierin Stajila. Kukësi përpiqet që të kundërpërgjigjet, por goli do të vinte 3 minuta nga fundi i kohës së rregullt.

Protagonist bëhet sërish Musta, i cili shënoi një super gol me një goditje me të majtën në hyrje të zonës. Në fushë ishin edhe Gavazaj dhe Abazaj, por asnjë nga dy blerjet e reja nuk la gjurmë. /Rozalb Lika-Koha Jone/