E BUJSHME/ Suarez mund të transferohet te Juventusi këtë verë

Lionel Messi nuk është i vetmi që ka pushtuar faqet e para të mediave sportive. Një tjetër emër i madh që është ende pa një skuadër është Suarez, i larguar nga revolucioni i ri i Barcelonës.

Pasi u shpall i padëshiruar te Barcelona, u fol se uruguaiani mund të kalonte në MLS, por së fundmi, mediat italiane shkruajnë se Suarez i është ofruar Juventusit, i cili është në kërkim të partnerit të Ronaldos në sulm pasi largoi Higuain.

Sipas kësaj faqe sportive, bardhezinjtë mund ta sjellin në Torino 33-vjeçarin për rreth 40 milionë euro, duke bërë që nga Lionel Messi, Suarez të përfundonte në shok skuadre me Cristiano Ronaldon.