E kërkoi Juventusi, por Milan Skriniar përfundon në Turqi

Milan Skriniar nuk është më pjesë e planeve të Luis Enrique te PSG. Sipas gazetës turke Fotomac, mbrojtësi sllovak ka arritur marrëveshje kontraktuale me Galatasaray për një transferim në janar.

Skriniar, i cili mbërriti në Francë si transferim i lirë në vitin 2023, nuk ka arritur asnjëherë të bindë drejtuesit dhe klubin në përgjithësi, me paraqitjet e tij.

Sipas asaj që shkruajnë mediat, ende nuk është mbyllur transferimi pasi Galatasaray është ende duke negociuar detaje me klubin parisien. Lojtari u bë pjesë e PSG me shumë bujë, por Skriniar humbi vendin e tij titullar përkrah Marquinhos për shkak të lëndimeve dhe paraqitjeve zhgënjyese.