Elbasani përballë Vllaznisë, Dinamo për fitore në Vlorë

Java e 33-të e kampionatit mbyllet këtë të hënë në mbrëmje me dy ndeshje të rëndësishme, ku vëmendja kryesore është te përballja mes Elbasani dhe Vllaznia.

Kjo ndeshje konsiderohet si një finale e parakohshme, pasi përballë janë dy skuadrat që kryesojnë renditjen. Vllaznia mban vendin e parë me vetëm një pikë avantazh ndaj Elbasanit, duke e bërë këtë duel vendimtar për kryesimin, edhe pse në fund të sezonit pikët do të përgjysmohen për fazën “Final 4”.

Kurse Dinamo Tirana synon të sigurojë vendin e katërt me një fitore ndaj Flamurtari, ekip që ka ende shpresa minimale për mbijetesë.

Të dyja takimet janë planifikuar të zhvillohen sot në orën 19:00.