Enea Mihaj në lupën e dy klubeve nga Serie A

Enea Mihaj është vënë në qendër të merkatos së futbollistëve në Itali. Mbrojtësi shqiptar është në mëdyshje mes Veronës dhe Cremoneses, skuadra të Serie A që kërkojnë shërbimet e 26-vjeçarit.

Verona dhe Cremonese kanë treguar interes për Enea Mihaj, mbrojtësin e qendrës të lindur në vitin 1998, i cili aktualisht luan për Famalicao, një klub që militon në Primeira Liga, divizionin e parë të kampionatit portugez.

Sezonin e kaluar ai luajti 29 ndeshje zyrtare me Famalicaon, shpesh duke mbajtur shiritin e kapitenit, një dëshmi e rolit të tij qëndror në dhomat e zhveshjes dhe respektit që ka fituar në klub.