Trajneri i Paris Saint-Germainit, Luis Enrique, u shpreh krenar për paraqitjen e skuadrës së tij ndaj Manchester Cityt, pavarësisht vështirësive të hasura në pjesën e dytë. Tekniku spanjoll pranoi se anglezët krijuan mundësi për të shënuar më shumë gola, ndërsa theksoi se objektivi kryesor është që PSG-ja ta përfundojë sezonin mes skuadrave më të mira.
“Është e vështirë të them se sa krenar ndihem, sepse ndeshja pati faza krejtësisht të ndryshme. Në pjesën e parë treguam atë që duam të jemi si skuadër përballë një kundërshtari të fortë si Manchester City. Mendoj se ishim dukshëm superiorë ndaj tyre”, deklaroi Enrique.
Megjithatë, trajneri pranoi se pjesa e dytë ishte shumë më e vështirë për skuadrën e tij.
“Nuk më pëlqen të shkoj në pushim me avantazhin 3-0, sepse mund të mendosh se ndeshja ka përfunduar. Në këtë nivel, asgjë nuk është e sigurt. Vuajtëm shumë në pjesën e dytë dhe Manchester City e meritonte të shënonte më shumë gola. Mund ta kishim humbur ndeshjen edhe për shkak të fatit të keq”, shtoi ai.
Në prag të përballjes me Barcelonën javën e ardhshme, trajneri nënvizoi se vlerësimi përfundimtar bëhet në fund të sezonit.
“Nuk ka rëndësi të jesh më i miri tani, por të jesh mes skuadrave më të mira në fund të sezonit”, përfundoi Enrique.