Ergys Kaçe, Ramës: Mos hajde më në stadium se je ters

Ansi Agolli i përcolli kryeministrit Rama një mesazh të Ergys Kaçes. Ia tha atë në darkën që kryeministri organizoi me kombëtaren, pas një dite të lodhshme shëtitje nga aeroporti “Nënë Tereza” në Bashkinë e Tiranës, në Ministrinë e Jashtme, në Kryeministri e më pas në “Fun Zone”.

Lapsi.al sjell pamjet e darkës së organizuar nga Rama dhe një mesazh të Ergys Kaçes për kryeministrin, të cilin ai përcjell Ansi Agolli.

“Kaçe po thoshte, meqë s’më dha makinën, të mos vijë në stadium kryeministri, sepse s’na ka ecur shumë këto ndeshjet e fundit”.

Makinën e Kaçes ia përmendi edhe presidenti i FSHF, Armando Duka, në telefonatën që Rama pati me të menjehërë pas fitores me Rumaninë.