Erzeni transferon ish-sulmuesin e Juventusit

Erzeni bën një goditje të rëndësishme në sulm, duke afruar ish-sulmuesin që ka dalë nga akademia e Juventusit, Younes Bnou Marzouk. 27-vjeçari maroken e mbylli me skuadrën e Rapidit në Rumani dhe prej 6 muajsh ka qenë një lojtar i lirë.

Edhe pse nuk luajti asnjë ndeshje, Marzouk numëron një titull kampion në Serinë A me Juventusin në sezonin 2013-14, i njëjti sezon ku ai fitoi Superkupën e Primaverës.

Marzouk do të bashkohet kështu me shijakasit dhe do të vihet nën urdhrat e trajnerit Deliallisi.