Europa League nis me ”lum” golash, në një sfidë drejtësinë e vendosën arbitrat shqiptarë

Europa League nisi këtë të mërkurë, me dy ndeshjet e para. Holandezët e AZ Alkmaar triumfuan me rezultatin 3-2 ndaj Elfsborg, në një sfidë ku drejtësinë e vendosën arbitrat shqiptarë.

Në sfidën tjetër, norvegjezët e Bodo/Glimt bënë surprizën në shtëpi, duke mposhtur me rezultatin 3-2 Porto-n. Për vendasit shkëlqeu në këtë takim ish-sulmuesi i Milanit, Jans Peter Hauge, me dopietë golash dhe një asist. Nuk do të ketë më fazë grupesh, por me formatin e ri, do të jenë 36 ekipe në formën e një kampionati. Të gjitha skuadrat do të luajnë nga tetë ndeshje secila, katër në shtëpi dhe katërt jashtë.

Tetë skuadra e renditura në fillim, do të kualifikohet për në fazën e 1/16-ve, ndërsa ekipet që renditen nga vendi i nëntë deri te vendi i 24-t, do të duelojnë në një fazë “play off”, për të siguruar kalimin më tej.