Fazën e dytë të Superligës, Tirana kërkon ta nisë në mënyrën më të mirë. Bardheblutë do përballen me Skënderbeun këtë të shtunë, ku fitorja për ta është detyrim.
”Skënderbeu dihet që është paraqitur mirë javët e fundit. Vijmë nga një humbje me Kukësin dhe do japim maksimumin për të marrë tre pikët dhe për të vazhduar rrugëtimin tonë Humbja jo se na ka ulur, por erdhi në një moment që ishim mirë si në kampionat dhe ndeshjen e Kupës. Ndikoi disi lodhja, në futboll edhe do humbasësh. Në çdo ndeshje hyjmë për tri pikë”,-tha tranjeri i Tiranës, Erbim Fagu.
Kurse në kampin rival, trajneri Migen Memelli vuan mungesën e një prej titullarëve siç është Elvi Berisha, ndërsa i bën thirrje tifozëve korçar për mbështetje.
