Fenerbahçe kërkon të rrëmbejë Mesut Ozil nga Arsenali

Fenerbahçe po tenton goditjen e madhe në merkaton e dimrit. Skuadra e Stambollit kërkon të bindë yllin e Arsenal, Mesut Ozil, për t’u veshur verdheblu duke marrë parasysh dëshirën e shprehur prej kohësh nga futbollisti për të provuar kampionatin e vendit të tij të origjinës.

Fenerbahçe është skuadra e zemrës së presidentit Erdogan, një personi mjaft të dashur për Mesut Ozil, i cili u bë shkak për tërheqjen e futbollistit nga kombëtarja gjermane pas problemeve diplomatike.

Mediat turke tregojnë se Fenerbahçe kërkon të përfitojë nga pakënaqësitë e Ozil në kampionatin anglez, edhe pse me afrimin e Artetës gjërat për të mund të ndryshojnë.