Ferran Torres nuk paraqitet në stërvitje, gati kalimi te PSG

Ferran Torres nuk u paraqit këtë të mërkurë në qendrën stërvitore të Barcelonës, teksa transferimi i tij te Paris Saint-Germain është pranë konkretizimit.

Sulmuesi spanjoll mungoi në seancën stërvitore në Ciutat Esportiva Joan Gamper, pasi Barcelona dhe PSG po negociojnë detajet e fundit të marrëveshjes. Për këtë arsye, drejtori sportiv Deco dhe trajneri Hansi Flick kanë vendosur ta lirojnë Torresin nga detyrimet stërvitore.

Në të njëjtën kohë, në stërvitje u rikthyen Lamine Yamal, Dani Olmo, Pau Cubarsí dhe Pedri, të cilët iu nënshtruan edhe kontrolleve mjekësore pas përfundimit të pushimeve. Kështu, katër lojtarët nisën zyrtarisht përgatitjet për sezonin 2026-27.

Nëse transferimi te PSG përfundon me sukses, Ferran Torres do t’i japë fund aventurës së tij katërvjeçare e gjysmë me Barcelonën. Gjatë kësaj periudhe, sulmuesi ka fituar tre tituj të La Ligës, një Kupë të Mbretit dhe tre Superkupa të Spanjës.