Festë dhe kaosnë Paris pas triumfit të PSG-së në Champions League (VIDEO)

Momente gëzimi shpërthyes, fishekzjarre dhe skena paniku janë regjistruar në Paris pas triumfit të PSG në finalen e Champions League, ku skuadra franceze siguroi trofeun e dytë radhazi në kompeticionin më të rëndësishëm europian për klube.

Menjëherë pas penalltisë vendimtare që vulosi fitoren e PSG-së, mijëra tifozë që prej orësh ishin mbledhur në rrugë, sheshe dhe lokale për të ndjekur finalen, shpërthyen në festime masive. Një atmosferë e zjarrtë pushtoi kryeqytetin francez, ndërsa brohoritjet u shoqëruan me ndezje të shumta fishekzjarresh, tymuese dhe kapsollash.

Megjithatë, festimet në disa zona u shoqëruan edhe me momente tensioni. Mediat lokale raportojnë se kapsolla dhe mjete piroteknike janë hedhur në mes të turmës, duke shkaktuar panik te kalimtarët dhe qytetarët e pranishëm, të cilët në disa raste janë larguar me vrap nga frika.

Pamjet nga rrugët e Parisit tregojnë turma të mëdha tifozësh në festë, por edhe momente kaotike të krijuara nga përdorimi i pakontrolluar i mjeteve piroteknike gjatë festimit të suksesit historik të PSG-së.