FIFA: Bale lojtari më i shpejtë në botë, Messi i shtati

Mesfushori Gareth Bale i blerë për 109 milion euro nga Real Madrid, transferimi më i shtrenjtë i historisë së futbollit, nga sot ka dhe një rekord të ri mbi supe, atë të lojtarit më të shpejtë  me topin nën kontroll në glob.

Wellsiani, që u transferua dy vite më parë nga Tottenham drej madrilenëve, sipas FIFA-s gjatë një vrapimi me top në këmbë ka arritur shpejtësinë 36,9 km/h.

Në vendin e dytë nuk është as Cristiano Ronaldo e as Lionel Messi, por një gjerman, Jurgen Damm. Gjermani ka arritur shpejtësinë 35,25 km/h. Në vendin e tretë është Valencia i Manchester United.  Cristiano Ronaldo është vetëm në vendin e pestë me  33,6 km/h, teksa “pleshti” është në vendin e shtatë me shpejtësinë 32, 5 km/h.

Chelsea gati 120 milion euro për Bale!

Ndoshta kjo është edhe arsyeja që Chelsea është gati të japë 120 milion euro për të siguruar 25-vjeçarin kampion europe, bënë të ditur në një artikull dedikuar wellsianit e përditshmja “Dailly Maill”. Sipas saj, Bale është nën shënjestrën e Murinhos, që është gati të bëjë çmendurira dhe kontretisht 120 milion të tilla, për të bindur drejtuesit madrilenë të lejojnë asin e tyre të vishet me uniformën blu të skuadrës londineze nga “Stamford Bridge”.

Renditja e plotë e dhjetë lojtarëve më të shpejtë me topin në këmbë e publikuar nga FIFA:
1. Gareth Bale: 36,9 km/h
2. Jürgen Damm: 35,23 km/h
3. Antonio Valencia: 35,1 km/h
4. Aaron Lennon: 33,8 km/h
5. Cristiano Ronaldo: 33,6 km/h
6. Theo Ëalcott: 32,7 km/h
7. Lionel Messi: 32,5 km/h
8. Ëayne Rooney: 31,2 km/h
9. Frank Ribéry: 30,7 km/h.
10. Sergio Ramos: 30,6 km/h.