FIFA ”The Best” 2024, Vinicius Jr shpallet fitues i çmimit

Braziliani 24-vjeçar Vinicius Junior është shpallur fitues i çmimit FIFA ”The Best” 2024 në një ceremoni e cila u mbajt sot në Doha të Katarit. Ky triumf ka bërë që Vinicius t’i bashkohet një liste ekskluzive të legjendave braziliane të cilët kanë marrë çmime nga FIFA që nga krijimi i saj në 1991. Ai do të ndjekë hapat e legjendave si Romario, Ronaldo Nazario (tre herë fitues), Rivaldo, Ronaldinho Gaucho (dy herë fitues) dhe Kaka. Vinicius po ashtu është bërë lojtari i parë brazilian që e fiton çmimin si futbollisti më i mirë në botë që nga viti 2007.