Është hedhur në Nyon të Zvicrës shorti për fazën e çerekfinaleve dhe gjysmëfinaleve të Conference League. Interesant është fakti që Bodo/ Glimt dhe Roma do të përballen sërish me njëri-tjetrin, pas raundit të grupeve, ku norvegjezët shkatërruan ekipin e Jose Mourinhos me rezultatin 6-1.
Një tjetër ndeshje shumë interesante është ajo midis Leicester City-t dhe PSV-së, të dyja skuadra të forta dhe që pritet të sjellin një takim shumë të luftuar.
Lorik Cana ishte ambasadori i këtij shorti, ndërsa ka zgjedhur topat për takimet e raundeve çerekfinale dhe gjysmëfinale të Conference League. Dy skuadrat që do të sigurojnë finalen e madhe do të ndeshen në Tiranë në stadiumin “Air Albania”.
Çerekfinalet e UEFA Europa Conference League:
Bodo/Glimt – Roma
Feyenoord – Slavia Pragës
Marseille – PAOK
Leicester City – PSV
Fituesi i çiftit të katërt do të ndeshet në gjysmëfinale me fituesin e çiftit të parë të çerekfinaleve. Ndërsa fituesi i çiftit të dytë të çerekfinaleve do të ndeshet me fituesin e çiftit të tretë.
Gjysmëfinalet e UEFA Europa Conference League:
Leicester/ PSV – Bodo/ Glimt/ Roma
Feyenoord/ Slavia Praha – Marseille/ PAOK
Fituesi i gjysmëfinales së parë do të quhet si finalisti i parë, ndërsa fituesi i gjysmëfinales së dytë do të quhet si finalisti i dytë i Conference League që do të luhet në “Air Albania”.