Fitore në miqësore dhe dy lëvizje në merkato, Teuta firmos me Zogajn

Teuta i mjaftoi një gol i Rubin Hebajt në pjesën e parë për të mposhtur Kastriotin e Ndreut në miqësoren e sotme. Ekipi i Edi Martinit vazhdon përgatitjet për sezonin e ri në Superiore, teksa drejtuesit vijojnë punën në merkato.

Silvio Zogaj është goditja e klubit bregdetar. Sulmuesi lezhian u largua pas dy sezoneve të kaluara te Vllaznia dhe ditën e sotme ka firmosur një kontratë 3-vjeçare me Teutën. 23-vjeçari debutoi sot me ekipin e ri në miqësoren ndaj ekipit krutan.

 

View this post on Instagram

 

✍🏻 Teuta i ka zgjatur kontratën për një vit tjetër portierit nga Maqedonia e Veriut,Bobi Celeski, deri në verën e 2021, pasi kontrata aktuale i kishte skaduar në fund të këtij sezoni. Celeski ka firmosur kontratën e re në praninë e shefit të klubit Enid Furxhi. #bobiceleski #2021

A post shared by ᴋғ ᴛᴇᴜᴛᴀ (@kfteuta.official) on Sep 23, 2020 at 9:39am PDT

Ndërkohë, Teuta ka zgjatur bashkëpunimin me Bobi Celeskin. Portieri 23-vjeçar nga Ohri, pjesë e Teutës prej gushtit të vitit 2018, ka firmosur edhe për një tjetër vit, duke konfirmuar qëndrimin te ekipi durrsak edhe për sezonin e ri. /abcnews.al