Flick i rikthehet buzëqeshja, 3 futbollistë të njohur nisin stërvitjen

Barcelona po kalon një moment delikat në mes të sezonit, mes rezultateve negative dhe problemeve me dëmtimet. Skuadra e drejtuar nga Hansi Flick vjen pas dy humbjeve radhazi, 4-0 ndaj Atletico Madrid në Kupën e Mbretit dhe 2-1 kundër Girona në kampionat, disfatë që i kushtoi edhe kreun e La Ligës përballë Real Madrid.

Një nga arsyet kryesore të rënies së formës ka qenë mungesa e disa titullarëve për shkak dëmtimesh. Rikthimi në stërvitje i Gavi dhe Pedri pritet të stabilizojë mesfushën, ndërsa Flick ka qenë i detyruar të mbështetet te të rinjtë e akademisë La Masia për shkak të kufizimeve financiare në merkato.

Marcus Rashford është një tjetër futbollistë që është rikthyer pas dëmtimit. Pas humbjes së fundit, trajneri gjerman zhvilloi një mbledhje urgjente me skuadrën, duke kërkuar më shumë intensitet, rikuperim të shpejtë të topit dhe mentalitet fitues.