Florian Marku thirrje tifozëve: Mos harroni të merrni flamurin shqiptar me vete!

Florian Marku do të zhvillojë një nga përballjet më të rëndësishme të tij në Shqipëri, në “Air Albania”. Boksieri shqiptar, kampion bote në peshën “Welter” në kategorinë IBF International po vijon me intensitet stërvitjen për duelin e 25 gushtit në stadiumin “Air Albania”.

Marku  do të ketë përballë një rival të fortë meksikan, Miguel Parra. Përmes një postimi në Facebook, kampioni ka një kërkesë për të gjithë fansat e tij.

“Jam gati! Edhe 8 ditë kane ngelur për ndeshjen me te madhe te historisë të boksit në Tiranë. Ju pres te gjithëve në stadiumin “Air Albania”, merrni me vete Flamurët që të krijojmë një atmosfere, e cila do te mbahet mend gjatë!”, shkruan Marku.