Foto/ Penalltia e dyshimtë, shpërthen ministri italian: Po arbitri pse nuk veshi fanellën e Juves?!
Kryesfida mes Milanit dhe Juventusit në gjysmëfinalen e parë të Kupës së Italisë përfundoi në barazim 1-1.
Kuqezinjtë e mbyllën këtë duel me 10 futbollistë dhe në fund një penallti e dyshimtë bëri që ekipi i Stefano Piolit të mos fitonte. Pikërisht 11-metërshi në fund të takimit ka krijuar shumë polemika, teksa pas ndeshjes shumë ish arbitra deklaruan se nuk duhej dhënë.
Gjykimi i arbitrit Paolo Valeri i ka lënë të pakënaqur tifozët e Milanit dhe ndër ta është edhe ministri Mateo Salvini. Ky i fundit ka vendosur të lërë një koment ironik në faqen zyrtare të kuqezinjve, të cilët kërkonin mendimin e mbështetësve për lojtarin e ndeshjes.
Salivini me sa duket kishte një tjetër protagonist në mendje për ta shpallur më të mirin e takimit dhe ai ishte pikërisht gjyqtari kryesor i takimit. “Përse arbitri nuk hyri në fushë me fanellën bardhezi?”, ka thumbuar Salvini arbitrin Valeri.
