FSHF nxjerr në shitje biletat për Poloninë, por me çmime rekord

Federata Shqiptare e Futbollit ka nxjerrë në shitje biletat për ndeshjen ndaj Polonisë në “Air Albania”, e cila do të zhvillohet dy muaj më pas, në 10 shtator. Kjo është hera e parë që Federata ka nxjerrë në shitje biletat për një ndeshje të kombëtares kaq herët, dy muaj nga takimi. Duket se në këtë rast, FSHF ka shfrytëzuar interesin e jashtëzakonshëm që kanë tifozët për dy sfidat e shtatorit, fillimisht në transfertë ndaj Çekisë dhe më pas ndaj Polonisë. Pas 3 ndeshjeve të para në grup, Shqipëria mban vendin e dytë në grup, me 6 pikë, një më pak se Çekia e vendit të parë.