Futbolli shqiptar sonte mbyll vitin 2025 me Superkupën

Sot në mbrëmje, futbolli shqiptar mbyll vitin me një duel të veçantë, finalen e Superkupës së Shqipërisë. Përballja mes Egnatias dhe Dinamo City, që do të luhet në orën 19:00, pritet të sjellë emocione dhe spektakël në stadiumin “Air Albania”.

Dy skuadra që kanë spikatur në sezonin aktual dhe në atë të kaluar do të zbresin në fushë me objektivin për të fituar trofeun dhe për ta përmbyllur vitin futbollistik me sukses. Superkupa nuk është thjesht një ndeshje finale, por një përballje prestigji dhe krenarie për të dy klubet.