Futbollisti serb befason: Refuzova Barcelonën, vendimi më i mirë në jetë!

Janë të pakët futbollistët që në karrierën e tyre kanë refuzuar Barcelonën dhe për të luajtur me Lionel Messin.  Dusan Tadic ka zbuluar se e ka refuzuar Barcelona-n dhe se nuk është aspak i penduar.

“Ka qenë një mundësi vitin e kaluar, por kam refuzuar. Është vendimi më i mirë që kam marrë në jetën time, ai që të vij tek Ajax dhe të qëndroj këtu.  Ka qenë gjithmonë klubi i ëndrrave të mia për filozofinë që ka, për kampionët e mëdhenj që kanë luajtur këtu, historinë dhe tifozët. Ajax është klubi më i bukur nga të gjithë dhe një nga skuadrat më të mira të Europës

Është e pabesueshme: të gjithë do të donin të luanin këtu dhe duam të jemi më të fortët në Europë. Nëse do të përmirësohemi në disa detaje, do të mund të bëjmë diferencën edhe në Europë”, tha futbollisti serb.