Futbollisti shqiptar infektohet me Covid-19, humb grumbullimin e nëntorit

Florian Kamberi ka rezultuar pozitiv me Koronavirus. Konfirmimi erdhi nga klubi i tij, St Gallen, nëpërmjet një deklarate zyrtare. 25-vjeçari u largua Skocia për t’u bashkuar me skuadrën e Superligës së Zvicrës, në verë.

Kamberi luajti si zëvendësues në humbjen 3-1 të St Gallen ndaj FC Basel, të dielën, megjithatë klubi tha se ai filloi të shfaqte simptomat e virusit të hënën në mbrëmje.

Sulmuesi i Kombëtares Shqiptare është vetizoluar ndërsa St Galle anuloi stërvitjen e së hënës. Infektimi i Kamberit do të thotë se do të humbasë grumbullimin me Shqipërinë. Ish-sulmuesi i Rangers ende nuk ka shënuar për St Gallen në pesë paraqitje deri më tani në këtë sezon.