Futbollisti spanjoll, Hidalgo ndërron jetë në moshën 32-vjeçare

Futbollisti Nico Hidalgo është ndarë nga jeta në moshën 32-vjeçare. Spanjolli nuk e fitoi dot betejën më të rëndësishme në jetën e tij, me të cilën luftoi për katër vite.

Hidalgo zbuloi në vitin 2021 se vuante nga kanceri në mushkëri. Në këtë situatë, ai u ndal nga futbolli i luajtur në Janar të vitit 2022, për tu fokusuar te shëndeti i tij.

Lajmi u bë i ditur nga Granada, klub ku luajti 125 ndeshje. Futbollisti iberik u transferua te Juventusi në vitin 2014, por në mungesë të hapësirave, klubi italian u detyrua ta huazojë në Spanjë.

Gjatë karrierës së tij, ai luajti edhe për Cadiz, Racing Santander, Motril dhe Extremadura.