Gazetari i njohur italian tallet me marrëveshjen e Moggit në Shqipëri

Në mediat italiane ka bërë shumë bujë afrimi i ish-drejtuesit të Juventusit, Luçiano Moggi te Partizani, për t’u kthyer përsëri në një rol aktiv në futboll.

Por, jo të gjithë kanë reaguar pozitivisht ndaj këtij lajmi.

Gazetari i njohur italian i rrjetit “Mediaset”, Mauricio Pistoki, nuk ka kursyer ironinë pas publikimit të këtij lajmi me një mesazh të qartë në Twitter.

“Në vitin 1991, në 6 muaj, 47000 shqiptarë zbarkuan në Itali në kërkim të një shprese. 26 vite më vonë, ne iu dërguam Luciano Moggin. Pa asnjë shpresë”, ishte mesazhi i qartë i tij, transmeton Panorama.

Pistoki ka qenë gjithmonë një kritik i Moggit dhe ndër zërat që kanë kundërshtuar vazhdimisht pretendimet e ish-drejtuesit të Juventusit se e meritonte të kthehej në futbollin aktiv.