Gianni de Biasi, nesër merr nënshtetësi shqiptare nga presidenti Nishani

Trajneri i Kombëtares Shqiptare të Futbollit, Xhani De Biasi do të pajiset  ditën e shtunë, me dekret të Presidentit të Republikës, Bujar Nishani, me nënshtetësi shqiptare. Ai kishte kohë që e kishte shprehur një dëshirë të tillë. Autoritet e larta të vendit ia plotësuan dëshirën trajnerit italian, i cili do të pajiset me pasaportë shqiptare një ditë para ndeshjes kualifikuese ndaj Armenisë, e cila do të luhet të djelën, më 29 mars, ora 18:00, në stadiumin “Elbasan Arena”.