“Giro d’Italia” ka startuar në Shqipëri/ Etapa e parë Durrës-Tiranë, pesëshja në krye me 2 minuta avantazh

LIVE/ Ka nisur zyrtarisht edicioni i 108-të i “Giro d’Italia”, një nga garat më prestigjioze të çiklizmit botëror, dhe këtë vit ka startuar për herë të parë nga Shqipëria. Gara u çel me etapën e parë prej 160 kilometrash që lidh qytetin bregdetar të Durrësit me kryeqytetin Tiranë.

Pas kilometrave të parë të garës, situata në rrugë ka nisur të marrë formë. Pesë çiklistë janë shkëputur nga grupi dhe kryesojnë me një avantazh që tashmë i afrohet 2 minutave. Bëhet fjalë për Verre (Arkea), Moniquet (Cofidis), Tonelli (Polti), van der Hoorn (Intermarché) dhe Tarozzi (Bardiani).

Kjo etapë hapëse është jo vetëm një ngjarje e madhe sportive, por edhe një promovim i rëndësishëm për Shqipërinë në sytë e publikut ndërkombëtar. Gara do të përfundojë pas 21 etapash dhe një distance totale prej 3.443,3 kilometrash, me mbërritjen përfundimtare të planifikuar në Romë më 1 qershor.

💜 Results of the IS in Paper:

🥇 🇮🇹 @AleTonelli92 (PVM)
🥈 🇳🇱 @TacovanderHoorn (IWA)
🥉 🇮🇹 Manuele Tarozzi (VBF)#GirodItalia pic.twitter.com/77cHLzF0ou

— Giro d’Italia (@giroditalia) May 9, 2025