Girona fiton 2-4 dhe del e para në La Liga. Në fushë zbret Sevilla, Mallorca e Barcelona

Kjo e shtunë nisi me fitoren 2-4 të Gironas në udhëtim me Osasunën. Katalanasit janë në vendin e parë të renditjes, duke pritur ndeshjen e Real Madrid të diel. Po sot, në fushë zbresin edhe Sevilla, Mallorca e Barcelona.

Në “Pamplona”, Osasuna vendase humbi 2-4 kundër Gironas, me sfidën që hapi javën e 12-të në La Liga për këtë të shtunë. Tanimë katalanasit e vegjël janë në vendin e parë të renditjes, duke pritur përballjen e Real Madrid që ndjek me tre pikë më pak.

Miqtë e Gironas kaluan në epërsi me Martin, para se Ante Budimir në minutat 25 dhe 55 të përmbyste ndeshjen për vendasit.

Duhej Dovbyk, Tsygankov dhe Garcia që në 20 minuta të shënonin tre gola për Gironën, duke kthyer rezultatin në 2-4. Me 31 pikë Girona është në vendin e parë të La Liga, teksa Osasuna mbetet në vendin e 11-të.

La Liga – java 12-të:

14:00 Osasuna 2-4 Girona

16:15 Betis – Mallorca

18:30 Celta Vigo – Sevilla

21:00 Real Sociedad – Barcelona