Giuffredi “thyen” heshtjen, zbulon të ardhmen e Elseid Hysaj

Kur pritej të zyrtarizohej te një klub i ri europian, e ardhmja e Elseid Hysaj ka marrë një tjetër rrjedhë.

Ulja në stol e Gennaro Gattuso ka kthyer besimin te mbrojtësi shqiptar, që mund të bindet për të zgjatur kontratën te Napoli.

Lajmi konfirmohet nga agjenti i shkodranit,  Mario Giuffredi

“Me Gattuson, Hysaj ka rigjetur besimin dhe është rikthyer, duke treguar potencialin e tij. Ai gjithashtu e demonstroi atë dje kundër mentorit të tij, Maurizio Sarri. Gattuso ka dhënë një mendim pozitiv për rinovimin e kontratës dhe ne po flasim për të. Gjithçka besoj se do të vendoset në fund të shkurtit. Nëse kemi sukses, marrëveshja do të bëhet, përndryshe do të largohemi në qershor,” deklaroi Giuffredi për “Radio Marte”.

Hysaj ka qënë një nga emrat më të lakuar në merkatot e fundit te Napoli, ku shumë skuadra kishin shprehur dëshirën për të firmosur me të.