Adam, djali i legjendës së basketbollit, Kareem Abdul-Jabbar, është arrestuar nga policia për shkak se ka goditur me thikë fqinjin e tij. 28-vjeçari u arrestua ditën e mërkurë dhe më pas u lirua. Ai akuzohet për sulm me armë vdekjeprurëse, por fatmirësisht personi i sulmuar nuk ka marrë plagë të rënda.
“I dyshuari, i cili ishte fqinji i viktimës, u arrestua pa shkaktuar asnjë incident”, shprehet një zëdhënës i policisë për TMZ. Ngjarja ndodhi të martën në mbrëmje, në San Clemente të Kalifornisë. Në orën 10 të mbrëmjes pati një telefonatë drejt policisë, që informohej për sulmin me thikë.
Personi i sulmuar kishte shkuar vetë në spital dhe tashmë gjendja e tij është e mirë. Adam Abdul-Jabbar është nën hetim dhe mbetet të shihet se çfarë do të zbulohet në vijim. Nëse del fajtor, atëherë edhe dënimi për të do të jetë i pashmangshëm. /abcnews.al
