Gjimshiti ndahet nga Atalanta. 334 ndeshje, 10 gola dhe një trofe historik
Pas një aventure të gjatë dhe të suksesshme në Bergamo, Berat Gjimshiti i ka dhënë fund kapitullit të tij me Atalantën, duke u transferuar në Arabinë Saudite te Al-Diriyah.
Klubi italian ka falënderuar mbrojtësin shqiptar për kontributin e tij ndër vite. Gjimshiti largohet pas 334 ndeshjesh me fanellën zikaltër, duke shënuar 10 gola dhe duke qenë një nga figurat kryesore të historisë së fundit të klubit.
Momenti kulmor i eksperiencës së tij ishte triumfi në UEFA Europa League, më 22 maj, ku shqiptari mbajti edhe shiritin e kapitenit.
Atalanta ka vlerësuar jo vetëm paraqitjet e tij në fushë, por edhe përkushtimin dhe lidhjen e fortë që krijoi me klubin dhe tifozët. Tashmë, Gjimshiti nis një aventurë të re në Arabinë Saudite, ndërsa nga Bergamo i kanë uruar suksese në këtë kapitull të ri të karrierës.
View this post on Instagram
KOHA JONË SONDAZH
